|
Comisiwn y Senedd |
|
Lleoliad: |
Ystafell Gynhadledd 4B - Hybrid |
|
||||
|
Dyddiad: |
Dydd Llun, 22 Medi 2025 |
|
||||
|
Amser: |
10.30 - 12.30 |
|
||||
|
|
||||||
|
|
||||||
|
Cofnodion: SC(6)2025(8) |
||||||
|
|
|
|
||||
|
Aelodau’r Comisiwn: |
|
Y Gw. Anrh. Elin Jones AS (Cadeirydd) Janet Finch-Saunders AS Adam Price AS Joyce Watson AS |
||||
|
|
|
|||||
|
|
|
|
||||
|
Swyddogion yn bresennol: |
|
Manon Antoniazzi, Prif Weithredwr a Chlerc y Senedd Arwyn Jones, Cyfarwyddwr Cyfathrebu ac Ymgysylltu Julian Luke, Cyfarwyddwr Busnes y Senedd Ed Williams, Cyfarwyddwr Adnoddau Leanne Baker, Prif Swyddog Pobl Lisa Bowkett, Prif Swyddog Cyllid Matthew Richards, Cyfarwyddwr Busnes y Senedd Dros Dro Nicholas Morgan, Pennaeth Rheoli Chyfleusterau ac Ystadau Dros Dro James Attridge, Uwch-reolwr Diogelwch Ceri Rowe, Pennaeth Diogelwch Sulafa Thomas, Pennaeth y Gwasanaeth Cymorth i'r Comisiwn ac i'r Aelodau Gwion Evans, Pennaeth Swyddfa Breifat y Llywydd Elin Roberts, Cynghorwr Polisi i'r Llywydd
|
||||
|
|
|
|||||
|
|
|
|
||||
|
Eraill yn bresennol: |
|
|
||||
|
|
|
|||||
1 Cyflwyniad
1.a Cyflwyniad ac ymddiheuriadau
Ni chafwyd ymddiheuriadau.
Rhoddodd y Llywydd deyrnged i'r diweddar Hefin David, a nododd ei gyfraniad gwerthfawr at waith y Comisiwn. Nododd y Llywydd ymhellach fod y Comisiwn wedi mynegi ei gydymdeimlad diffuant â'r rhai a oedd yn agos at Hefin.
1.b Datgan buddiannau
Ni chafwyd datganiadau o fuddiant.
Gofynnodd y Comisiynwyr am eglurder ynghylch a oes angen i unigolion yr effeithir arnynt ddatgan buddiant wrth drafod darpariaethau cyllidebol sy'n ymwneud â phenderfyniadau'r Bwrdd Taliadau Annibynnol ar gyfer Aelodau nad ydynt yn sefyll yn yr etholiad.
1.c Cofnodion y cyfarfod blaenorol
Cytunodd y Comisiynwyr ar Gofnodion y cyfarfod ar 14 Gorffennaf 2025.
1.d Dyraniad TGCh y Seithfed Senedd - Dewisiadau o ran meddalwedd
Materion sy’n codi: Yn y cyfarfod diwethaf trafododd y Comisiynwyr opsiynau ar gyfer darparu meddalwedd a chytunasant i ymgynghori â'u Grwpiau. Crynhowyd yr adborth a gafwyd gan y Grwpiau Pleidiau mewn nodyn a ddarparwyd.
Ystyriodd y Comisiynwyr yr adborth a chytuno ar y dyraniad meddalwedd ar gyfer y Seithfed Senedd – i gynyddu’r ddarpariaeth fel yr argymhellwyd.
2 Cyllideb ddrafft y Comisiwn ar gyfer 2026-27
Ystyriodd y Comisiynwyr y Gyllideb Ddrafft arfaethedig ar gyfer 2026-27.
Roedd y Gyllideb Ddrafft wedi’i datblygu ymhellach ers i’r Comisiwn drafod y Fframwaith Adnoddau Tymor Canolig yn y cyfarfod ar 2 Mehefin.
Trafododd y Comisiynwyr y cynigion a chytuno:
a) ar y dyfarniad cyflog i staff y Comisiwn yn 2026-27;
b) ar Gronfa Prosiectau (gan gynnwys £500,000 o gyfalaf) o £2 miliwn;
c) i leihau’r gyllideb ar gyfer costau Cyllid Pensiwn yr Aelodau o £1 miliwn i £400,000; ac
d) i gyfeirio at brosiect ‘Bae 32’ yn lle’r cyfeiriad at y Rhaglen ‘Ffyrdd o Weithio’;
Ystyriodd y Comisiynwyr agweddau ar y ddarpariaeth gyllidebol ar gyfer costau sy'n deillio o'r etholiad. Fe wnaethant gymeradwyo'r Memorandwm Esboniadol drafft fel y mae i’w weld yn Atodiad A, yn amodol ar newidiadau i'w cwblhau; a nodwyd y llythyr gan y Gweinidog Cyllid.
Byddai'r Gyllideb Ddrafft y cytunwyd arni yn cael ei gosod gerbron y Senedd a'i darparu i'r Pwyllgor Cyllid.
3 Ffyrdd o weithio
Cafodd y Comisiynwyr y wybodaeth ddiweddaraf am y tri phrosiect Ffyrdd o Weithio mawr, sef: Bae Caerdydd 32, Siambr 2026 a Tŷ Hywel 2026.
Rhoddodd y Comisiynwyr gymeradwyaeth mewn egwyddor (yn amodol ar ystyried papur manwl yn ddiweddarach yn y flwyddyn) i'r cynllun i ymrwymo i Gytundeb Cyn-datblygu gyda chyflenwr y datrysiad a ffefrir ar gyfer y llety yn y dyfodol fel rhan o brosiect Bae 32.
Fe wnaethant ystyried ymhellach y catalog gofynion Bae 32 wedi'i ddiweddaru, a'r newidiadau a wnaed ers ystyried y catalog ddiwethaf, a'r rhesymeg dros y mireinio hwn. Bydd y gofynion yn cael eu darparu i'r tendrwyr ym mhroses deialog gystadleuol Bae 32, i lywio cyflwyniad eu cynigion terfynol ym mis Hydref.
Cymeradwyodd y Comisiynwyr y catalog gofynion wedi'i ddiweddaru ar gyfer proses gaffael Bae 32, gan gynnwys y diwygiadau a nodir, i'w ddarparu i’r tendrwyr cyn eu cyflwyniadau terfynol.
4 Siambr 26 - Paneli acwstig ac opsiynau eistedd i’r Aelodau
Adolygodd y Comisiynwyr yr opsiynau a gynigwyd ar gyfer y paneli acwstig a'r seddi yn Siambr y Senedd sydd newydd ei hadnewyddu, a chadarnhawyd y dewis a ffefrir i brynu 110 o gadeiriau tasgau Humanscale Freedom ar gyfer seddi'r Aelodau.
Byddai angen profion ychwanegol brys ar y paneli acwstig a byddai'r opsiwn terfynol arfaethedig yn cael ei gyflwyno i'r Comisiynwyr y tu allan i'r cyfarfod.
5 Diogelwch yr Aelodau - Monitro’r cyfryngau cymdeithasol
Ystyriodd y Comisiynwyr bapur yn amlinellu bod y tîm Diogelwch Aelodau wedi gweld cynnydd mewn bygythiadau diogelwch ar-lein a cham-drin ar y cyfryngau cymdeithasol yn targedu cynrychiolwyr etholedig, a chynnydd o ran pryderon y mae’r Aelodau yn eu codi ynghylch cam-drin ar-lein.
Fe wnaethant adolygu sut mae Senedd y DU a Senedd yr Alban yn mynd i’r afael â hyn, a’r opsiynau arfaethedig ar gyfer gwasanaeth tebyg yn y Senedd, a pha gamau pellach y gallai’r Comisiwn eu cymryd i gefnogi a sicrhau diogelwch cynrychiolwyr etholedig a’u staff wrth ymgysylltu ag etholwyr mewn gofod digidol.
Cytunodd y Comisiynwyr ar yr argymhellion a ganlyn, sef:
· y dylai’r Comisiwn gynnal treial, hyd at chwe mis o hyd, yn defnyddio’r llwyfan monitro cyfryngau cymdeithasol presennol, sef PULSAR, i fonitro’r llwyfannau cyfryngau cymdeithasol ar gyfer nifer dethol o Aelodau (hyd at 8), gan ganolbwyntio’n llwyr ar fygythiadau a cham-drin uwchlaw’r trothwy troseddol.
· bod Tîm Diogelwch yr Aelodau:
- yn edrych yn fanwl ymhellach ar ymarferoldeb monitro amddiffynnol ac Asesiadau Bregusrwydd Ar-lein; ac
yn gweithio gydag Uned Heddlu’r Senedd i ddatblygu ymhellach opsiwn i gydweithio’n fwy â Heddlu De Cymru a’r tri llu arall yng Nghymru, gan ymchwilio’n benodol i ddichonoldeb datblygu proses sy’n caniatáu adrodd am achosion o gyfathrebu maleisus yn uniongyrchol i’r heddlu pan fyddant yn canfod bygythiadau a cham-drin uwchlaw’r trothwy troseddol.
6 Papurau i'w nodi:
6.a Defnyddio staff y Comisiwn yn ystod y Diddymiad
Nododd y Comisiynwyr ailgyflwyno Cynllun Benthyg Staff y Comisiwn ar gyfer defnyddio cyflogeion ar sail dros dro yn ystod cyfnod diddymu’r Senedd ac ar ôl yr etholiad.
6.b Hwb - Symleiddio Mynediad at Wasanaethau'r Comisiwn
Nododd y Comisiynwyr y gwaith sy'n cael ei wneud i gyflawni gwelliannau i hwyluso mynediad ar leoliad at wasanaethau'r Comisiwn i Aelodau ar gyfer y Seithfed Senedd, drwy ddarparu gofod penodedig.
6.c Llythyr y Prif Weithredwr at Lywodraeth Cymru: Goblygiadau ariannol y Bil Atebolrwydd Aelodau
Nododd y Comisiynwyr y llythyr gan y Prif Weithredwr at yr Ysgrifennydd Parhaol mewn ymateb i'r cais am wybodaeth am gostau gweinyddu ac arbedion posibl y Bil Atebolrwydd Aelodau sydd ar ddod gan Lywodraeth Cymru.
6.d Cofnodion drafft cyfarfod y Pwyllgor Archwilio a Sicrwydd Risg (ARAC) ar 23 Mehefin.
Nododd y Comisiynwyr y diweddariad a ddarperir fel mater o drefn i’r Comisiwn am gyfarfodydd y Pwyllgor Archwilio a Sicrwydd Risg.
6.e Diweddariad y Bwrdd Gweithredol (penderfyniadau RAD)
Nododd y Comisiynwyr y crynodeb o benderfyniadau recriwtio a ddarperir fel mater o drefn i bob cyfarfod o'r Comisiwn.
7 Unrhyw fater arall
- Arolwg yr Aelodau
Atgoffwyd y Comisiynwyr bod yr Arolwg Aelodau (y gall eu staff cymorth, hefyd, ei lenwi) ar agor, ynghyd â'r Arolwg Urddas a Pharch. Gofynnwyd i’r Comisiynwyr atgoffa aelodau eu grŵp amdano hefyd.